Облыс әкімінің тапсырмасы бойынша, білім алушылардың аутодеструктивті және асоциалды мінез-құлқының алдын алу аясында 2026 жылғы 9 ақпанда Осакаров ауданында «Отбасынан қоғамға дейін: балалардың әл-ауқаты – ортақ міндетіміз» тақырыбында ата-аналар форумы өтті.
Іс-шараны Қарағанды облысы білім басқармасының КММ «Психологиялық қолдау орталығы» және Осакаров ауданының «Білім бөлімі» ММ ұйымдастырды.
Форум ата-аналарды, мектеп директорларын, тәрбие ісі жөніндегі директордың орынбасарларын, білім беру саласының педагог-психологтарын тәжірибе алмасу, балаларды тәрбиелеу, психологиялық қолдау көрсету және кәмелетке толмағандар арасындағы құқықбұзушылықтардың алдын алу бойынша өзекті мәселелерді талқылау үшін біріктірді.
Форум бағдарламасы аясында:
* ата-аналар мен педагогтерге арналған ақпараттық буклеттер мен материалдар ұсынылған білім беру және дамыту бастамалары жәрмеңкесі,
* балалар суреттерінің көрмесі,
* балалар мен ата-аналарға арналған шеберлік сыныптары,
* құқықтық және ата-аналық сауаттылықты арттыруға арналған пленарлық отырыс,
* балалармен және отбасылармен жұмыс істеуде кәсіби құзыреттіліктерді дамытуға бағытталған педагог-психологтарға арналған интенсив өткізілді.
Форумда мектеп, отбасы және қоғам арасындағы сенімді қарым-қатынасты қалыптастыру, ата-аналардың баланы қиын өмірлік жағдайларда қолдау дағдыларын дамыту және жасөспірімдер арасындағы девиантты мінез-құлықтың алдын алу мәселелеріне ерекше көңіл бөлінді.
Жаңалықтар
